Grahame Davies

Bardd, golygydd a beirniad llenyddol. Cafodd ei eni yn 1964 a'i fagu ym mhentref glofaol Coedpoeth ger Wrecsam yng ngogledd ddwyrain Cymru.

Ar ôl ennill gradd mewn Llenyddiaeth Saesneg yng Nghaergrawnt, hyfforddodd fel newyddiadurwr gyda chwmni Thomson yn Newcastle-upon-Tyne gan weithio wedyn ar bapurau newydd yn ne Cymru o 1985 tan 1991. Ers hynny mae wedi gweithio i BBC Cymru, a bellach ef sy'n gyfrifol am wasanaethau arlein Cymraeg y BBC.
Mae'n aelod llawn o'r Academi Gymreig ac ef oedd Golygydd Cymraeg y cylchgrawn Poetry Wales am nifer o flynyddoedd tan 2002. Mae'n cyfrannu erthyglau ac adolygiadau yn rheolaidd i gyfnodolion megis Barddas, Barn, Taliesin, Planet, Poetry Wales a New Welsh Review, ac mae ei farddoniaeth ar faes llafur ysgolion Cymru. Cynrychiolodd Cymru mewn gweithgareddau llenyddol yn Ewrop ac America a chyfieithwyd ei waith i nifer o ieithoedd gan gynnwys Saesneg, Latfieg, Maltaeg, Bwlgareg a Galiseg.

Yn 2002 cyhoeddodd y gyfrol ddwyieithog Ffiniau/Borders ar y cyd gydag Elin ap Hywel ac yn 2003 cynhwyswyd ysgrif hunangofiannol ganddo yn y gyfrol Cardiff Central. Mae ei gerddi wedi eu cynnwys mewn sawl blodeugerdd gan gynnwys Cerddi'r Troad a Hoff Gerddi Cymru.

Cyhoeddodd ei nofel gyntaf, Rhaid i Bopeth Newid, yn 2004.

FFRESHARS
gan Joanna Davies

Stori am fyfyrwyr gwyllt ar eu blwyddyn gyntaf ym Mhrifysgol Aberystwyth
Mwy o wybodaeth...

CYNHAEAF HANNER CANRIF
gan Gwilym Prys Davies

Cyfrol ddadlennol yn olrhain gwleidyddiaeth Gymreig rhwng 1945-2005.
Mwy o wybodaeth...

YR ODLIADUR NEWYDD
gan Alan Llwyd a Roy Stephens

Argraffiad newydd o gyfrol anhepgor i feirdd, yn cynnwys dros 5,000 o eiriau ychwanegol.
Mwy o wybodaeth...

UN DIWRNOD GWLYB
gan M. Christina Butler

Dilyniant hyfryd i Un Noson Oer
Mwy o wybodaeth...

NAWR 'TE BLANT
gan Ceri Wyn Jones

Llyfr llun doniol sydd yn dilyn hynt,helyntion ac uchafbwyntiau bore mewn meithrinfa.
Mwy o wybodaeth...

RHYW DEID YN DOD MIWN
gan Iwan Llwyd

Cyfrol hardd yn cyfuno geiriau a delweddau am arfordir unigryw Cymru.
Mwy o wybodaeth...

IESU!
gan Aled Jones Williams

Drama drawiadol ac ymfflamychol am Iesu
Mwy o wybodaeth...

COBIAU CAMPUS CYMRU / WINNING WELSH COBS
gan Ifor Lloyd a Myfanwy Lloyd

Cobiau Cymreig arbennig.
Mwy o wybodaeth...